من اقوى الـ Tools اللى ممكن تقابلها فى حياتك كلها ..
تقدر من خلالها توصل لأى معلومة انت محتاجها .. اى كورس بتدور عليه و تايه عليه بقالك كتير .. اى كونتاكت لأى حد و توصله بسهولة جداً اى مقال و اى بوست و اى ملف .. سواء كان ريبورت فى الكليه مطلوب منك و مش عارف تجيب حاجة نضيفة و دايما بتدخل على وكبيديا او غيرها من المواقع اللى فى الآخر بيطلع كل الريبورتات شبه بعضها
:)او كتاب دايخ عليه بقالك كتير جدا و مش عارف توصله ..
او تقييم لشىء معين او ملف اكسيل او حتى لو نفسك فى معمل و عاوز تجيب معمل فى البيت و معكش فلوس ..
:)من اقوى الكورسات اللى بحب على المستوى الشخصى اشرحها للناس فى الأماكن اللى بروحها لأنها بتعتبر الصنارة اللى من خلالها تقدر تصطاد سمك كتييييييييير قوى ..
توصل للمنح و المواقع و الكتب و الملفات و الأشخاص و التحديثات و المقالات ... الخ
دايما مبحبش ادى السمكة لحد ... لأنه مبيتعلمش منها .. بحب اعلمه ازاى يعمل صناره من خلالها يقدر يصطاد سمك كتير .. يوصل اكتر منى .. يعلم غيره ازاى يعمل الصناره و يعلم غيره و غيره .. و بكدة يبقى ساعدنى فى نشر رسالتى فى تعمير العقول ..
ناس كتير طلبت منى انزل بوست عن الموضوع دة و اتكلم على موضوع الـ Advanced Search
دة كورس موجود على يودمى بيشرح بالظبط خطوات و تركات موجودة فى البحث ..
هتحتاج تشغل دماغك شوية معاه علشان تفهم ... و تطبق كل كود و كل خطوة من البحث ..
الكورس ببلاااااااااااش .. الكورس 9 محاضرات مدته ساعه بالظبط .. انا خلصتة فى نص ساعة بس كنت بسرع فى الصوت و الصورة و اسمعه بسرعة ..
الكورس انا استفدت منه على المستوى الشخصى جميل جداً فى معلومات كتير كنت عارفها بس هو ممتاز للشخص العادى
:)لينك الكورس : http://bit.ly/1pIxsfT
بعد ما تخلص الكورس هتلاقى علامه كاس فى الآخر فى الشريط الأصفر فوق .. هتدوس عليها هيفتحلك الشهادة بتاعت الكورس زى دى : http://bit.ly/1Mml3Im
الشهادة دى فايدتها اية ؟!
الشهادة دى ملهاش فايدة يا فندم ^^ خالص إلا ان حضرتك تفرح بس بالشهادة و ترفعها على الفيس و توريها لأصحابك و تتفشخر بيها
:)دى متتكتبش فى الـ CV طبعا إن حضرتك واخد كورس فى الـ Advanced Search بس دى مهارة لما تكتسبها هتضيفلك كتيييييييير جداً جداً فى حياتك و هتغيرها خالص ..
اعتقد ان دى من اهم المهارات اللى كله لازم يكون عارفها .. حتى قبل الانجليزى ..
لأنها هيا اللى بتوصله لكل معلومة فى الدنيا و العالم كله و بتفتح قصاده فرص كبيرة جدا جداً فى مجالات مختلفه ^^
العلم مش محتاج منك الا شوية سعى على حبه اراده مع كوباية شاى
☺العلم لمن اراد و سعى و ليس لمن مكث و ادعى
